200 OFWs mula Saudi Arabia, nakabalik na sa bansa

Mga kabuuang 200 overseas Filipino workers mula sa Saudi Arabia nakabalik sa ilalim ng programang amnestiya ng Saudi Arabia.

Ayon sa Balitang Ahensiya ng Ahlul-bayt (ABNA24)- Dalawandaang overseas Filipino workers (OFW) ang nakabalik na sa bansa mula sa Saudi Arabia dahil sa ipinapatupad na programang amnestiya.

Limampung OFWs mula sa Jeddah ang nakauwi na sa bansa 7 a.m. Sabado sakay ng biyaheng PR 663, samantalang 115 OFWs naman mula sa Riyadh ang umuwi rin ng bansa sakay ng biyaheng 5J741.

Ayon kay Overseas Worker Welfare Administration deputy administrator Brigido Dulay, mayroon silang nakahandang mga programa upang makatulong sa mga umuwing OFW gaya ng pangkabuhayan at tulong pang-ligal.

Mula Marso, nasa 2,600 na undocumented OFWs mula sa Gitnang-S ailangan ng nakabalik na sa bansa, at inaasahang may 4,000 pang babalik din ngayong buwan.

Handang umalalay ang mga ahensiya ng gobyerno, para matulungan magkaroon ng trabaho o negosyo ang mga OFW dito sa bansa.


Mga empleyado sa Resorts World Manila, takot pa ring bumalik sa trabaho
Kahit pinayagan nang muling bumalik sa Resorts World Manila ang ilang mga empleyado, balot pa rin sila ng takot matapos ang pag-atake sa hotel at casino sa siyudad ng Pasay noong Biyernes lagpas ng hatinggabi.

Ayon sa Balitang Ahensiya ng Ahlul-bayt (ABNA24) - Mahigit isang araw matapos ang insidente, ngayon lang pinayagan ng pamunuan ng Resorts World Manila ang mga empleyado nito na makabalik at makuha ang kanilang mga naiwang gamit.

Ngunit matinding takot pa rin ang nangingibabaw sa mga empleyado, gaya ni Claire Catindig.

Natakot siya nang marinig ang mga putukan, hindi kalayuan mula sa kanyang mesa sa casino.

Nagpulasan ang mga tao, pero nanatili ang "presence of mind" ni Claire, kaya ligtas siyang nakalabas ng gusali.

"Pumutok, tumakbo na kami sa employee exit lahat pati mga naglalaro, isinama namin," ani Catindig, na nakikiramay rin sa lahat ng mga namatayan.